Category Archives: youth

Islam Zinda Hota Hai Her Karblla K Baad

اسٹینڈرڈ

Aaj Hum sab apnay apnay tareeqay se Imam e Hussain se  aqeedat ka muzahira ker rahey haiN. Lekin meray zehan main kuch sawal khatak rehey haiN. Kia hum ney Imam e Hussain k afkar per amal kia? Kia aaj bhe Karblla ka ma’rka nahiN ho raha? Aaj hum maiN se kon Hussain ki sunnat per amal ker raha hai? Karblla ko hum aik  waqia tassawar kartay haiN, Kiun?

Karblla aik incident ka nam nahin, na he Karblla aik ma’rkay ka n’am hai. Karblla nam hai aik soch ka, aik fikar ka, aik sarat e mustaqeem ka. Jab jab koi apnay se taqatwar ghasib aur zalim kay khilaf dat janey ka musam’am irada kertay huway us kay khilaf elan e jang kerta hai, tub tub Karblla zahoor pazeer hota hai. Yeh Karblla ka ma’rka azal tak rehey ga, Lekin !

Lekin kia aaj ham zalim ko zalim kehtay haiN? Kia aaj ham zalim ki ra’h main ha’il hotay haiN? Kia aaj hum ghasib kay khilaf bar-sa-re peekar haiN? Tou jawab sirf ‘naN’ hai. KiuN kay hum ne khud apney ooper zalim aur ghasib hukmaraN mussallat kye huway haiN. Aaj hamarey mo’ashrey main zulam aur na insafi ka dor dora hai, per bolnay wala koi nahiN. Agar koi bolta hai tou sath denay wala koi nahiN. Ham main tou KoofioN ki soch hai Hussain ki nahiN.

Agar hum apney mo’ashrey se zulam aur na insafi ka khatma chahtey haiN tou hamaiN  Hussainiat ki pairvey kerni ho ge. Woh Hussain jis ne apna lahu baha ker Islam kay badan main nia khun doraya. Woh Hussain jis apna qabeela islam pe qurban ker dia. Aur Woh Hussain jis ne khud ko kata ker Islam ko bacha lia.

Hussain marra nahin, woh shaheed hai aur shaheed kabhi marra nahin kartay. Allah unhaiN rizaq bhi deta hai lekin ham is ka sha’oor nahin rakhtay.

Aaj humaiN aisay he Karblla kay ma’rkay ki zaroorat hai. Aur phir aap ka faisla hai kay aap Koofi ban’na chahtety hain, Yazid kay sapahi ban’na chahtey hain ya phir Hussain kay pairokar? Faisla aap ka magar fatah sirf Hussain ki ho ge.

Shah asat Hussain, Badshah asat Hussain