Matah-e-Ghair

Mujhe bas itna kehna hai

Kabhi waqt milay tou aa jao

Kahan gum hain

 

 

I’m posting my own poetry after long time.

 I know it has many laps,

so I’ll appriciate ur criticism.

 

Kahan gum hain woh mery sarey udas sapney

 Kahan kho gaey hian woh sab mery apney

 Kiun hain meri ratain itni udas aaj bhi

Kiun parey hain mujh ko fasley mapney

Chaman ko mery faqat chahye thi aab pashi

Kiun silab berpa ker diye hain sahab ney

Meri rat ko faqt chahat thi ik diye ki

Kiun roshnian he roshnian ker di hian mahtab ney

Ger farz bhi ker lia jaey kay mujrim main tha us ka

Kiun bhar di hain maqtal gahain us kay shabab ney

Aankhian hi kafi thi us ki, hamari madhoshi ko

Kiun itnay nashay charha diye hian sharab ney

Hamari khata he kia thi aakhir hamain pata tou chalay

Kiun ujar diye hian gulistan sarey arbab ney

Na dilon ka hal jan saka, na ban saka jogi

Kitnay he kafir chupa rakhay hain mehrab ney

Ajeeb bat hai woh qatal ker kay bhi masoom thehra

Kitnay he raz chupa rakhay hain us kay mehrab ney

Tallab jannat ki Nazir kabhi na kerta

Ger daraya na hota khuda  kay azab ne

                                                    Murtaza Naazir

Ik bat kahoon

FRAZ bhi ham se bichar gia

Today Faraz is not with us, It’s a great loss of Pakistan’s literature. He was no doubt a great poet. He isn’t with us today but he will speak in our hearts forever. May his soul rest in peace. Aameen.

I was in Pakistan last week. I with my friends Aadil and Madni Saheb, we went for hiking near  F5, Islamabad. When we were returning Madni Saheb read this Ghazal of Faraz in his beautiful style.

BarsoN kay bad dekha “ik shakhs dilruba sa”

ab zehan main nahin per nam tha bhala sa

abroo khichay kichay say aankhain jhuki jhuki si

batain ruki ruki si lehja thaka thaka sa

alfaz thay kay jugnu aawaz kay safer main

ban jaey jangloun main jis tarah rasta sa

khawbon main khawb us kay yadon main yad us ki

neendon main ghul gia  ho jaisa kay ratjaga sa

pehlay bhi log aaey kitnay hi zindgi main

wo her tarah se lekan auron se tha juda sa

agli muhabbton ney wo namuradian deeN

taza rafaqtoun se dil tha dara dara sa

kuch yeh kay muddatoun se roey nahin thay ham bhi

kuch zaher main bujha tha ahbab ka dalasa

phir youn huwa keh sawan aankhon main aa bassay thay

phir youn huwa keh jaisay dil bhi tha aabla sa

ab sach kahain tou yaroun ham khaber nahin thi

ban jaey ga qiamat ik waqaya zara sa

taiwar thay berukhi kay andaz dosti kay

wo ajnabi tha lekan lagta tha aashna sa

ham dasht thay keh darya ham zaher thay kay amrat

nahaq tha zuham ham ko jab wo nahin tha piasa

ham ney bhi us ko dekha kal sham ittafaqan

apna bhi hal  hai   ab logo Faraz ka sa

‘JanaN JanaN’

DARD-e-WATAN

Hum siasat se muhabbat ka chalan mangtey hain

Shab-e-sehra se mager subha-e-chaman mangtey hain

Woh jo ubhra bhi to badal main lipat ker ubhra

Issi bichrey huway suraj se kiran mangtey hain

Kuch nahin mangtey ham long bajuz izn-e-kalam

Ham to insan ka besakhta pan mangtey hain

Aisay gunchay bhi to gul cheen ki qaba main hain aseer

Bat kernay ko jo apna he dehan mangtey hain

Ham ko matloob hai taqdeem qad-o-gaisu ki

Aap kehtey hain k ham dar-o-rassan mangtey hain

Lamha bher ko to lubha jatey hian nahrey lekin

Ham to ahl-e-watan dad-e-watan mangtey hain

Ahmed Nadeen Qasmi

Ser se chadar badan se quba le gai

Ser se chadar badan se quba le gai

Zindagi ham faqeeron se kia le gai

Meri muthi main soukhay huway phool hain

Khushboun ko ura ker hawa le gai

Main sumadaer k seenay main chatan tha

Rat ik moj aai,  baha ley gai

Ham to kaghiz thay aanso se bheegay huway

Kiun charaghon ki to tak hawa ley gai

Meri shuhrat siasat se mehfooz hai

Yeh tawaif bhi ismat bacha ley gai

Chand ney rat ko mujh ko jaga ker kaha

Ik larki tumhara pata ley gai

                                                                  Basheer Badar